ਮਜ਼ਬੂਤ ਕਾਨੂੰਨੀ ਦਿਸ਼ਾ ਅਤੇ ਸੁਚੱਜੇ ਪ੍ਰਬੰਧ ਨਾਲ ਪੁਰਾਬ ਪ੍ਰੀਮੀਅਮ ਅਪਾਰਟਮੈਂਟਸ ਨੇ ਬਣਾਈ ਨਵੀਂ ਮਿਸਾਲ

ਮੋਹਾਲੀ| ਮੋਹਾਲੀ ਦੇ ਸੈਕਟਰ-88 ਵਿੱਚ ਸਥਿਤ ਪੁਰਾਬ ਪ੍ਰੀਮੀਅਮ ਅਪਾਰਟਮੈਂਟਸ ਨੇ ਪਿਛਲੇ ਕੁਝ ਸਮੇਂ ਦੌਰਾਨ ਹੋਏ ਸਰਾਹਣਯੋਗ ਬਦਲਾਵਾਂ ਨਾਲ ਟ੍ਰਾਈਸਿਟੀ ਦੀ ਅਗੇਵਾਨ ਰਹਾਇਸ਼ੀ ਸੋਸਾਇਟੀ ਵਜੋਂ ਆਪਣੀ ਮਜ਼ਬੂਤ ਪਛਾਣ ਕਾਇਮ ਕੀਤੀ ਹੈ। ਮਜ਼ਬੂਤ ਕਾਨੂੰਨੀ ਦਿਸ਼ਾ ਅਤੇ ਸੁਚੱਜੇ ਪ੍ਰਬੰਧ ਹੇਠ ਇੱਥੇ ਰਹਿਣ ਵਾਲਿਆਂ ਨੂੰ ਸੁਵਿਧਾਜਨਕ ਅਤੇ ਸੁਰੱਖਿਅਤ ਵਾਤਾਵਰਣ ਮਿਲ ਰਿਹਾ ਹੈ।
ਰਿਹਾਇਸ਼ੀ ਭਲਾਈ ਸਭਾ ਦੇ ਕਾਨੂੰਨੀ ਇੰਚਾਰਜ ਐਡਵੋਕੇਟ ਗੁਰਮੀਤ ਸਿੰਘ ਨੇ ਦੱਸਿਆ ਕਿ ਸੋਸਾਇਟੀ ਇਸ ਵੇਲੇ ਪੱਕੇ ਕਾਨੂੰਨੀ ਅਤੇ ਪ੍ਰਸ਼ਾਸਕੀ ਢਾਂਚੇ ਅਧੀਨ ਸੁਚਾਰੂ ਢੰਗ ਨਾਲ ਚੱਲ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਮਾਮਲਿਆਂ ਸਬੰਧੀ ਗਲਤ ਧਾਰਣਾਵਾਂ ਪੈਦਾ ਕੀਤੀਆਂ ਜਾ ਰਹੀਆਂ ਸਨ, ਉਹਨਾਂ ਦਾ ਨਿਪਟਾਰਾ ਕਾਨੂੰਨੀ ਪੱਧਰ ‘ਤੇ ਦ੍ਰਿੜਤਾ ਨਾਲ ਕੀਤਾ ਗਿਆ ਹੈ। ਬੇਲੋੜੇ ਵਿਵਾਦਾਂ ਵਿੱਚ ਕਮੀ ਆਈ ਹੈ, ਸੰਭਾਲ ਰਕਮ ਦੀ ਵਸੂਲੀ ਵਿੱਚ ਸੁਧਾਰ ਹੋਇਆ ਹੈ ਅਤੇ ਅਨੁਸ਼ਾਸਨ ਕਾਇਮ ਹੋਇਆ ਹੈ। ਮਜ਼ਬੂਤ ਕਾਨੂੰਨੀ ਟੀਮ ਅਤੇ ਪਾਰਦਰਸ਼ੀ ਪ੍ਰਬੰਧ ਨੇ ਸੋਸਾਇਟੀ ਦੀ ਸਾਖ ਅਤੇ ਜਾਇਦਾਦ ਦੀ ਕੀਮਤ ਵਿੱਚ ਲਾਭਕਾਰੀ ਵਾਧਾ ਕੀਤਾ ਹੈ।

ਸਭਾ ਦੇ ਪ੍ਰਧਾਨ ਸ੍ਰੀ ਯੁਵਰਾਜ ਨੇ ਜਾਣਕਾਰੀ ਦਿੱਤੀ ਕਿ ਸੋਸਾਇਟੀ ਵਿੱਚ ਆਧੁਨਿਕ ਸਹੂਲਤਾਂ ਦਾ ਵਿਸਥਾਰਕ ਵਿਕਾਸ ਕੀਤਾ ਗਿਆ ਹੈ। ਪਾਰਕਾਂ ਵਿੱਚ ਨਵੇਂ ਅਤੇ ਸੁਰੱਖਿਅਤ ਝੂਲੇ ਲਗਾਏ ਗਏ ਹਨ। ਤੈਰਨ ਤਲਾਬ ਪੂਰੀ ਤਰ੍ਹਾਂ ਕਾਰਗਰ ਹੈ। ਬੈਡਮਿੰਟਨ, ਬਾਸਕੇਟਬਾਲ ਅਤੇ ਵਾਲੀਬਾਲ ਮੈਦਾਨ ਵਰਤੋਂ ਲਈ ਖੁਲੇ ਹਨ। ਰੋਜ਼ਾਨਾ ਯੋਗ ਅਭਿਆਸ ਕਲਾਸਾਂ ਚੱਲ ਰਹੀਆਂ ਹਨ। ਚੋਵੀ ਘੰਟੇ ਲਿਫਟ ਬਿਜਲੀ ਬੈਕਅਪ, ਗਰਮ ਤੇ ਠੰਡੇ ਪਾਣੀ ਦੀ ਸਹੂਲਤ ਅਤੇ ਉੱਚ ਦਰਜੇ ਦੀ ਸਫ਼ਾਈ ਪ੍ਰਬੰਧਨਾ ਨੇ ਇਸ ਰਹਾਇਸ਼ੀ ਇਲਾਕੇ ਨੂੰ ਖਾਸ ਪਛਾਣ ਬਖ਼ਸ਼ੀ ਹੈ।
ਉਪ ਪ੍ਰਧਾਨ ਸ੍ਰੀ ਗੁਰਜੰਤ ਨੇ ਕਿਹਾ ਕਿ ਹਰ ਉਮਰ ਵਰਗ ਲਈ ਸਮੂਹਕ ਗਤੀਵਿਧੀਆਂ ਆਯੋਜਿਤ ਕੀਤੀਆਂ ਜਾ ਰਹੀਆਂ ਹਨ ਅਤੇ ਹਰ ਤਿਉਹਾਰ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ। ਵਾਹਨ ਖੜ੍ਹੇ ਕਰਨ ਲਈ ਢੰਗ ਨਾਲ ਨਿਸ਼ਾਨਦੇਹੀ ਕੀਤੀ ਗਈ ਹੈ ਅਤੇ ਖੇਡ ਸਹੂਲਤਾਂ ਨੂੰ ਨਵੇਂ ਪੱਧਰ ‘ਤੇ ਵਿਕਸਿਤ ਕੀਤਾ ਗਿਆ ਹੈ। ਉਨ੍ਹਾਂ ਦੇ ਅਨੁਸਾਰ, ਸੋਸਾਇਟੀ ਵਿੱਚ ਸਕਾਰਾਤਮਕ ਮਾਹੌਲ ਅਤੇ ਏਕਤਾ ਸਪਸ਼ਟ ਦਿਖਾਈ ਦਿੰਦੀ ਹੈ।
ਕਾਰਜਕਾਰੀ ਮੈਂਬਰ ਸ੍ਰੀਮਤੀ ਬਲਬੀਰ ਨੇ ਦੱਸਿਆ ਕਿ ਸੁਰੱਖਿਆ ਅਤੇ ਸਫ਼ਾਈ ਨੂੰ ਸਭ ਤੋਂ ਵੱਧ ਤਰਜੀਹ ਦਿੱਤੀ ਗਈ ਹੈ। ਸਥਾਨਕ ਪ੍ਰਸ਼ਾਸਨ ਦੇ ਸਹਿਯੋਗ ਨਾਲ ਪ੍ਰਬੰਧ ਹੋਰ ਮਜ਼ਬੂਤ ਬਣਿਆ ਹੈ ਅਤੇ ਰਹਿਣ ਵਾਲੇ ਆਪਣੇ ਆਪ ਨੂੰ ਨਿਸ਼ਚਿੰਤ ਅਤੇ ਸੰਤੁਸ਼ਟ ਮਹਿਸੂਸ ਕਰ ਰਹੇ ਹਨ। ਜਿਨ੍ਹਾਂ ਫਲੈਟਾਂ ਦੀ ਕੀਮਤ ਪਹਿਲਾਂ ਘੱਟ ਸੀ, ਅੱਜ ਉਹਨਾਂ ਦੀ ਮੰਗ ਵਿੱਚ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ ਅਤੇ ਕਿਰਾਏ ਲਈ ਵੀ ਆਸਾਨੀ ਨਾਲ ਉਪਲਬਧ ਨਹੀਂ।
ਸਰਗਰਮ ਮੈਂਬਰ ਗੁਰਵੀਰ ਕੌਰ ਨੇ ਕਿਹਾ ਕਿ ਸਮੂਹਕ ਭਾਵਨਾ ਪਹਿਲਾਂ ਨਾਲੋਂ ਕਾਫ਼ੀ ਮਜ਼ਬੂਤ ਹੋਈ ਹੈ। ਨਿਯਮਿਤ ਯੋਗ ਅਭਿਆਸ, ਖੇਡ ਮੁਕਾਬਲੇ ਅਤੇ ਸਾਂਸਕ੍ਰਿਤਿਕ ਗਤੀਵਿਧੀਆਂ ਨੇ ਵਸਨੀਕਾਂ ਵਿੱਚ ਪਰਸਪਰ ਸਾਂਝ ਅਤੇ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕੀਤਾ ਹੈ।
ਰਿਹਾਇਸ਼ੀ ਭਲਾਈ ਸਭਾ ਦੀ ਟੀਮ ਨੇ ਮੋਹਾਲੀ ਦੇ ਸੀਨੀਅਰ ਪੁਲਿਸ ਅਧਿਕਾਰੀ, ਗਮਾਡਾ ਦੇ ਅਧਿਕਾਰੀਆਂ ਅਤੇ ਸਥਾਨਕ ਵਿਧਾਇਕ ਦੇ ਸਹਿਯੋਗ ਲਈ ਆਭਾਰ ਪ੍ਰਗਟਾਇਆ ਹੈ। ਟੀਮ ਨੂੰ ਵਿਸ਼ਵਾਸ ਹੈ ਕਿ ਮਜ਼ਬੂਤ ਪ੍ਰਬੰਧ, ਕਾਨੂੰਨੀ ਅਨੁਸ਼ਾਸਨ ਅਤੇ ਲਗਾਤਾਰ ਵਿਕਾਸ ਦੇ ਨਾਲ ਪੁਰਾਬ ਪ੍ਰੀਮੀਅਮ ਅਪਾਰਟਮੈਂਟਸ ਜਲਦੀ ਹੀ ਟ੍ਰਾਈਸਿਟੀ ਦੀ ਸਭ ਤੋਂ ਉੱਤਮ ਰਹਾਇਸ਼ੀ ਸੋਸਾਇਟੀ ਵਜੋਂ ਮਾਣ ਪ੍ਰਾਪਤ ਕਰੇਗੀ।