ਐੱਚ.ਆਰ. ਦਾ ਭਵਿੱਖ ਤਕਨਾਲੋਜੀ ਅਤੇ ਮਨੁੱਖੀ ਕਦਰਾਂ-ਕੀਮਤਾਂ 'ਤੇ ਕੇਂਦ੍ਰਿਤ

ਚੰਡੀਗੜ੍ਹ। ਪੀ.ਐੱਚ.ਡੀ. ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਦੇ ਹਰਿਆਣਾ ਚੈਪਟਰ ਵੱਲੋਂ ਆਯੋਜਿਤ ਛੇਵੇਂ ਸਾਲਾਨਾ ਐੱਚ.ਆਰ. ਕਨਕਲੇਵ ਦੌਰਾਨ, ਮਨੁੱਖੀ ਸਰੋਤਾਂ ਦੇ ਖੇਤਰ ਵਿੱਚ ਸਰਗਰਮ ਭੂਮਿਕਾ ਨਿਭਾਉਣ ਵਾਲੇ ਮਾਹਿਰਾਂ ਦਾ ਮੰਨਣਾ ਹੈ ਕਿ ਐੱਚ.ਆਰ. ਦਾ ਭਵਿੱਖ ਤਕਨਾਲੋਜੀ ਅਤੇ ਮਨੁੱਖੀ ਕਦਰਾਂ-ਕੀਮਤਾਂ ’ਤੇ ਟਿਕਿਆ ਹੈ। ਪੀ.ਐੱਚ.ਡੀ.ਸੀ.ਸੀ.ਆਈ. ਵੱਲੋਂ ਆਯੋਜਿਤ ਇਸ ਕਨਕਲੇਵ ਦਾ ਵਿਸ਼ਾ : ਐੱਚ.ਆਰ. ਵਿੱਚ ਬਦਲਾਅ: ਟੈਲੇਂਟ, ਟੈੱਕ ਅਤੇ ਭਵਿੱਖ ਦੀ ਰਾਹ ਸੀ।
ਕਨਕਲੇਵ ਦੀ ਸ਼ੁਰੂਆਤ ਕਰਦੇ ਹੋਏ, ਪੀ.ਐੱਚ.ਡੀ.ਸੀ.ਸੀ.ਆਈ. ਦੇ ਡਿਪਟੀ ਸੈਕਟਰੀ ਜਨਰਲ ਨਵੀਨ ਸੇਠ ਨੇ ਉੱਭਰ ਰਹੇ ਐੱਚ.ਆਰ. ਰੁਝਾਨਾਂ, ਤਕਨਾਲੋਜੀ ਵਿੱਚ ਤਰੱਕੀ, ਵਰਕਫੋਰਸ ਵਿੱਚ ਬਦਲਾਅ, ਅਤੇ ਇੰਪਲਾਈ-ਸੈਂਟ੍ਰਿਕ ਲੀਡਰਸ਼ਿਪ 'ਤੇ ਗੱਲਬਾਤ ਨੂੰ ਉਤਸ਼ਾਹਿਤ ਕਰਨ ਵਿੱਚ ਇਸ ਪਲੇਟਫਾਰਮ ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ। ਐੱਚ.ਆਰ. ਕਨਕਲੇਵ 2026 ਦੀ ਆਰਗੇਨਾਈਜ਼ਿੰਗ ਕਮੇਟੀ ਦੇ ਚੇਅਰਮੈਨ ਅਤੇ ਸਿੰਪਲੀ ਐੱਚ.ਆਰ. ਸਲਿਊਸ਼ਨਜ਼ ਦੇ ਮੈਨੇਜਿੰਗ ਪਾਰਟਨਰ ਰਜਨੀਸ਼ ਸਿੰਘ ਨੇ ਆਰਗੇਨਾਈਜੇਸ਼ਨ ਦੀ ਕੰਪੀਟਿਟਿਵਨੈੱਸ ਬਣਾਈ ਰੱਖਦੇ ਹੋਏ ਵੱਖ-ਵੱਖ ਪੀੜ੍ਹੀਆਂ ਵਾਲੇ ਵਰਕਫੋਰਸ ਦੀਆਂ ਉਮੀਦਾਂ ਨੂੰ ਪੂਰਾ ਕਰਨ ਦੇ ਲਈ ਟੈਲੇਂਟ ਐਕਵੀਜ਼ਿਸ਼ਨ, ਇੰਪਲਾਈ ਇੰਗੇਜ਼ਮੈਂਟ ਅਤੇ ਲੀਡਰਸ਼ਿਪ ਡਿਵੈਲਪਮੈਂਟ ਬਾਰੇ ਨਵੇਂ ਸਿਰੇ ਤੋਂ ਸੋਚਣ ਦੀ ਮਹੱਤਤਾ ਦੱਸੀ।

ਚਾਈਲਡ ਐਜੂਕੇਸ਼ਨ ਸੋਸਾਇਟੀ ਦੇ ਪ੍ਰਧਾਨ ਨਿਖਿਲ ਚੰਨਾ ਨੇ ਨਿਰੰਤਰ ਸਿੱਖਣ, ਲੀਡਰਸ਼ਿਪ ਡਿਵੈਲਪਮੈਂਟ ਅਤੇ ਲੋਕ-ਕੇਂਦ੍ਰਿਤ ਸੰਸਥਾਨ ਬਣਾਉਣ ਦੀ ਮਹੱਤਤਾ 'ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਉਨ੍ਹਾਂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਤੇਜ਼ੀ ਨਾਲ ਬਦਲ ਰਹੇ ਬਿਜ਼ਨਸ ਮਾਹੌਲ ਵਿੱਚ ਕੰਮ ਕਰਨ ਦੇ ਸਮਰੱਥ ਭਵਿੱਖ ਦੇ ਲਈ ਤਿਆਰ ਆਰਗੇਨਾਈਜੇਸ਼ਨ ਬਣਾਉਣ ਦੇ ਲਈ ਸਿੱਖਿਆ, ਸਕਿੱਲਜ਼ ਅਤੇ ਇੰਪਲਾਈ ਡਿਵੈਲਪਮੈਂਟ ਵਿੱਚ ਨਿਵੇਸ਼ ਕਰਨਾ ਬਹੁਤ ਮਹੱਤਵਪੂਰਨ ਹੈ।
ਉਦਘਾਟਨੀ ਸੈਸ਼ਨ ਪੀ.ਐੱਚ.ਡੀ.ਸੀ.ਸੀ.ਆਈ. ਦੇ ਹਰਿਆਣਾ ਰਾਜ ਚੈਪਟਰ ਦੇ ਸਹਿ-ਚੇਅਰਮੈਨ ਲੋਕੇਸ਼ ਜੈਨ ਦੇ ਧੰਨਵਾਦ ਮਤੇ ਨਾਲ ਸਮਾਪਤ ਹੋਇਆ, ਜਿਨ੍ਹਾਂ ਨੇ ਸੰਮੇਲਨ ਦੀ ਸਫਲਤਾ ਵਿੱਚ ਮਹੱਤਵਪੂਰਨ ਭਾਗੀਦਾਰੀ ਅਤੇ ਯੋਗਦਾਨ ਲਈ ਵਿਸ਼ੇਸ਼ ਬੁਲਾਰਿਆਂ, ਭਾਈਵਾਲਾਂ ਅਤੇ ਡੈਲੀਗੇਟਾਂ ਦੀ ਪ੍ਰਸ਼ੰਸਾ ਕੀਤੀ।
ਕਨਕਲੇਵ ਵਿੱਚ ਤਿੰਨ ਤਕਨੀਕੀ ਸੈਸ਼ਨ ਅਤੇ ਫਾਇਰਸਾਈਡ ਚੈਟ ਵੀ ਸ਼ਾਮਲ ਰਹੀ। ਪਹਿਲੇ ਸੈਸ਼ਨ, "ਟੈਲੇਂਟ ਟ੍ਰਾਂਸਫਾਰਮੇਸ਼ਨ: ਹਾਇਰਿੰਗ ਅਤੇ ਰਿਟੈਂਸ਼ਨ ਵਿੱਚ ਨਵੇਂ ਟ੍ਰੈਂਡਜ਼", ਦਾ ਸੰਚਾਲਨ ਸ਼੍ਰੀਮਤੀ ਤਨੁਸ਼੍ਰੀ ਗੁਪਤਾ ਦੁਆਰਾ ਕੀਤਾ ਗਿਆ। ਪੈਨਲਿਸਟ ਸ਼੍ਰੀਮਤੀ ਲਾਡਲੀ ਕੁਮਾਰੀ, ਸ਼੍ਰੀਮਤੀ ਪੂਰਵਾ ਛਿੱਬਰ, ਅਤੇ ਪ੍ਰੇਮ ਸਿੰਘ ਰਾਠੌਰ ਨੇ ਹੁਨਰਮੰਦ ਪੇਸ਼ੇਵਰਾਂ ਨੂੰ ਆਕਰਸ਼ਿਤ ਕਰਨ ਅਤੇ ਉਨ੍ਹਾਂ ਨੂੰ ਬਰਕਰਾਰ ਰੱਖਣ ਬਾਰੇ ਉਦਯੋਗ-ਨਾਜ਼ੁਕ ਸੂਝਾਂ ਸਾਂਝੀਆਂ ਕੀਤੀਆਂ।
ਦੂਜੇ ਸੈਸ਼ਨ, ਏਆਈ-ਪਾਵਰਡ ਐੱਚ.ਆਰ.: ਰੀਡਿਫਾਈਨਿੰਗ ਵਰਕਫੋਰਸ ਮੈਨੇਜਮੈਂਟ ਐਂਡ ਐਚਆਰ ਟੈਕ, ਨੂੰ ਅਭੈ ਕਪੂਰ ਦੁਆਰਾ ਸੰਚਾਲਿਤ ਕੀਤਾ ਗਿਆ। ਤੀਜੇ ਸੈਸ਼ਨ, ਜਿਸਦਾ ਸੰਚਾਲਨ ਅਰੁਣ ਰਾਘਵ ਦੁਆਰਾ ਕੀਤਾ ਗਿਆ, ਵਿੱਚ ਭਾਰਤ ਦੇ ਨਵੇਂ ਕਿਰਤ ਕੋਡ, ਪਾਲਣਾ ਚੁਣੌਤੀਆਂ ਅਤੇ ਉੱਭਰ ਰਹੇ ਮੌਕਿਆਂ ਬਾਰੇ ਚਰਚਾ ਕੀਤੀ ਗਈ।
ਆਪਣੇ ਸਮਾਪਤੀ ਭਾਸ਼ਣ ਵਿੱਚ, ਕਨਕਲੇਵ 2026 ਦੀ ਪ੍ਰਬੰਧਕੀ ਕਮੇਟੀ ਦੇ ਚੇਅਰਮੈਨ ਰਜਨੀਸ਼ ਸਿੰਘ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਐੱਚ.ਆਰ. ਕਨਕਲੇਵ ਵਰਗੇ ਸਹਿਯੋਗੀ ਪਲੇਟਫਾਰਮ ਗਿਆਨ ਦੇ ਆਦਾਨ-ਪ੍ਰਦਾਨ, ਇਨੋਵੇਸ਼ਨ ਅਤੇ ਇੰਡਸਟਰੀ ਨਾਲ ਅਰਥਪੂਰਨ ਸ਼ਮੂਲੀਅਤ ਨੂੰ ਉਤਸ਼ਾਹਿਤ ਕਰਕੇ ਐੱਚ.ਆਰ. ਪ੍ਰੋਫੈਸ਼ਨ ਦੇ ਭਵਿੱਖ ਨੂੰ ਆਕਾਰ ਦੇਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ।

ਇਸ ਮੌਕੇ 'ਤੇ, ਲੋਹੀਆ ਕਾਰਪੋਰੇਸ਼ਨ ਲਿਮਟਿਡ ਨੂੰ ਐਕਸੀਲੈਂਸ ਇਨ ਇੰਪਲਾਈ ਵੈਲਨੈਸ ਅਵਾਰਡ, ਆਰਐਮਐਕਸ ਇੰਡਸਟਰੀਜ਼ ਪ੍ਰਾਈਵੇਟ ਲਿਮਟਿਡ ਨੂੰ ਐਕਸੀਲੈਂਸ ਇਨ ਐਚਆਰ ਟੈਕਨਾਲੋਜੀ ਅਵਾਰਡ, ਲੂਮਿਨਸ ਇੰਡੀਆ ਨੂੰ ਐਕਸੀਲੈਂਸ ਇਨ ਡਾਇਵਰਸਿਟੀ ਐਂਡ ਇਨਕਲੂਜ਼ਨ ਅਵਾਰਡ ਅਤੇ ਪੰਜਾਬ ਕੈਮੀਕਲਜ਼ ਪ੍ਰਾਈਵੇਟ ਲਿਮਟਿਡ ਨੂੰ ਐਕਸੀਲੈਂਸ ਇਨ ਟੈਲੇਂਟ ਐਕਵਿਜ਼ੀਸ਼ਨ ਐਂਡ ਆਨਬੋਰਡਿੰਗ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ।