ਸਨਾ। ਯਮਨ ਦੀ ਰਾਜਧਾਨੀ ਸਨਾ ਦੇ ਹਵਾਈ ਅੱਡੇ 'ਤੇ ਵੀਰਵਾਰ ਨੂੰ ਇਜ਼ਰਾਈਲੀ ਹਮਲੇ 'ਚ WHO ਦੇ ਮੁਖੀ ਟੇਡਰੋਸ ਅਡਾਨੋਮ ਵਾਲ-ਵਾਲ ਬਚ ਗਏ। ਟੇਡਰੋਸ ਕੁਝ ਸਮੇਂ ਬਾਅਦ ਏਅਰਪੋਰਟ ਛੱਡਣ ਵਾਲੇ ਸਨ, ਜਦੋਂ ਇਜ਼ਰਾਈਲ ਤੋਂ ਇਹ ਹਮਲਾ ਹੋਇਆ। ਹਮਲੇ 'ਚ ਜਹਾਜ਼ ਦਾ ਇਕ ਕਰੂ ਮੈਂਬਰ ਜ਼ਖਮੀ ਹੋ ਗਿਆ। ਇਸ ਤੋਂ ਇਲਾਵਾ ਦੋ ਹੋਰ ਲੋਕਾਂ ਦੀ ਮੌਤ ਹੋ ਗਈ ਹੈ।
ਯਮਨ ਹਵਾਈ ਅੱਡੇ 'ਤੇ ਹਵਾਈ ਹਮਲੇ ਵਿੱਚ ਟੇਡਰੋਸ ਦੇ ਜਹਾਜ਼ ਦਾ ਇੱਕ ਚਾਲਕ ਜ਼ਖ਼ਮੀ, 2 ਹਵਾਈ ਅੱਡੇ 'ਤੇ ਮਾਰੇ ਗਏ
ਟੇਡਰੋਸ ਨੇ ਐਕਸ 'ਤੇ ਪੋਸਟ ਕੀਤਾ ਅਤੇ ਇਸ ਹਮਲੇ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਲਿਖਿਆ ਕਿ ਅਸੀਂ ਜਹਾਜ਼ 'ਚ ਸਵਾਰ ਹੋਣ ਤੋਂ 2 ਘੰਟੇ ਪਹਿਲਾਂ ਏਅਰਪੋਰਟ 'ਤੇ ਬੰਬ ਧਮਾਕਾ ਕੀਤਾ ਗਿਆ। ਹਮਲੇ 'ਚ ਰਨਵੇਅ ਨੂੰ ਨੁਕਸਾਨ ਪਹੁੰਚਿਆ ਹੈ। ਟੇਡਰੋਸ ਅਤੇ ਉਸਦੇ ਸਾਥੀਆਂ ਨੂੰ ਰਨਵੇ ਦੀ ਮੁਰੰਮਤ ਹੋਣ ਤੱਕ ਇੰਤਜ਼ਾਰ ਕਰਨਾ ਪਏਗਾ। ਉਨ੍ਹਾਂ ਹਮਲੇ ਵਿੱਚ ਮਾਰੇ ਗਏ ਲੋਕਾਂ ਪ੍ਰਤੀ ਵੀ ਦੁੱਖ ਪ੍ਰਗਟ ਕੀਤਾ। ਟੇਡਰੋਸ ਅਤੇ ਉਨ੍ਹਾਂ ਦੀ ਟੀਮ ਸੰਯੁਕਤ ਰਾਸ਼ਟਰ ਟੀਮ ਦੇ ਸਟਾਫ ਦੀ ਰਿਹਾਈ ਲਈ ਗੱਲਬਾਤ ਕਰਨ ਲਈ ਯਮਨ ਪਹੁੰਚੀ ਸੀ।